amalinks wokungena

Breaking News

Sizaqhubeka Sincedisa iZimbabwe, Kodwa Hatshi Ngemali - FOZ


Inhlanganiso yamazwe athize athuthukileyo ezibiza ngokuthi yiFriends for Zimbabwe ithi izaqhubeka incedisa iZimbabwe ngokudla kanye lezinye indingeko zikazulu.

Inhlanganiso le ithi uncedo lolu luzanikezwa uzulu zinhlanganiso ezifana ezizimeleyo, kodwa ithi ayisoze inikeze uhulumende weZimbabwe imali ngoba iphatheke kakubi ngokungagcwaliswa kwesivumelwano seglobal political agreement.

Lokhu kuphume emhlanganweni wenhlanganiso le ewenze ngoLwesibili eOslo kweleNorway. Amazwe akunhlanganiso le agoqela iMelika, iBhilithani, iDenmark, Sweden lamanye.

Amazwe la aphume lesinqumo sokuthi afuna amabandla abumba uhulumende womanyano agcwalisise konke okuhluphayo kusivumelwano seGPA.

Ingcwethi ecubungula ezombusazwe uMnu Qhubani Moyo usole kakhulu inyathelo leli esithi liveza sobala ukuthi amazwe angentshonalanga aqhubeka engenele kundaba zeZimbabwe.

Okuhambelana lalokhu

XS
SM
MD
LG