Umanyano weEuropean Union uthi uzimisele ukusebenzelana loMongameli Mugabe lohulumende womanyano kulungisiswe okungamanga kuhle elizweni.
Ekhuluma emkhosini oqhutshelwe eHarare ngolweSine ngenjongo yokuqinisa ubudlelwano phakathi kwe Europe leZimbabwe, okhokhela iqula leEU uMnu Xavier Marchal ulandule imibiko evame ukwethulwa yiZanu PF eyokuthi i EU ilenjongo yokususa uMugabe esihlalweni.
Umbiko kaMarchal lo uza ngesikhathi uMongameli Mugabe ekhangelelwe ukuvula okusemthethweni umhlangano weZanu PF congress ngolweSihlanu eHarare.
Amazwe eEU ethulele iziphathamandla zeZanu PF izijeziso eminyakeni edluleyo, okuyinto esolwa kakhulu libandla leli. UMnu Macharl ulandule njalo ukuthi izijeziso lezi ziphazamisa uzulu makhaza, okuyingoma ehlala ihlatshelwa yiZanu PF.
Ugcizelele wathi i EU ifuna uhulumende womanyane ehloniphe ilungelo loluntu kanye lemithetho yelizwe. Umqondisi wenhlanganiso yeBulawayo Agenda uNkosikazi Anastacia Moyo uthi iZanu PF ikhanya ingazimiselanga lakancane ukusebenzelana leEU.
