Lamuhla kuhlelo lwethu Liphuma Lendaba Letshona Lendaba sixoxaomkhokheli wenhlanganiso elwela ilungelo labathengi, iConsumer Council Of Zimbabwe, uNkosikazi Rosemary Siachitema phezu kodaba lokukhuthaza kokuthengwa kwempahla elungiswe elizweni.
Loluhlelo olwasungulwa yinhlanganiso ye Buy Zimbabwe campaign ngomnyaka ka 2011 ngemva kokuwonakala komnotho welizwe okwatshiya kungelampahla ezitolo lujonge ukukhuthaza ukuthengwa kwempahla njengendela yokuvuselela komnotho.
Inengi lilomkhuba wokuthenga impahla elungiswe kwamanye amazwe lanxa elungiswe elizweni efana lamafutha okupheka, itshukela lokunye okutshiyeneyo lanxa intengo yakho iyabe iphansi.
Inhlanganiso ye Buy-Zimbabwe ithi impahla elungiswa eZimbabwe ingathengwa ngobunengi ilakho ukwandisa imisebenzi elizweni.