amalinks wokungena

Breaking News

Tshiyanani Lokuthanda Izidwaba - Mugabe


UMongameli Robert Mugabe uthi ukhathazeke kakhulu ngokungaziphathi kwabanye abaphathintambo bakahulumende esithi abanengi babo abadlulwa yizidwaba.

Ekhuluma emtshadweni wesinye isihlobo sakhe ngoMgqibelo, uMugabe uthe abantu kumele baziphathe ukuze kwenqatshelwe ukudilika kwezimuli lokumemetheka kwegciwane leHIV.

Uthe kulabaphathintambo ababili abaziyo asebeke babanjwa xhaka belamanina angayisibo omkabo.

Wengeze wathi sokulomkhuba omubi kakhulu elizweni lapho abesilisa othola bethandana labesifazana abatshiyeneyo, abagoqela abatshadileyo.

NgoMpandula uMongameli Mugabe usole njalo abaphathintambo bakahulumende esithi abanye babo abadlulwa yizidwaba lanxa bephila legciwane leHIV.

UMugabe ngokwakhe waqalisa ukuthandana losengumkakhe uGrace, uNkosikazi wakhe wakuqala uSally Mugabe esaphila.

Umphathintambo obona ngenhlelo zamanzi uMnu Sam Sipepa Nkomo uthe amqotho amazwi kaMugabe wathi kubalulekile ukuthi uzulu aziphathe.

Umfundisi Useni Sibanda laye ugcizelele wathi kuqakathekile ukuthi uzulu jikelele aziphathe, hatshi abaphathintambo bakahulumende kuphela.

XS
SM
MD
LG