Inhloko kahulumende uMnu Morgan Tsvangirai uthi kasoze avumele uMongameli Mugabe ebizela ukhetho kungakalungisiswa okuhluphayo kuhulumende njalo engazange avumelane laye.
Ekhuluma lentathelizindaba ngoLwesihlanu uTsvangirai uthe uhulumende kasebenzi kuhle ngenxa yokudonselana okubangelwa ikakhulu yiZanu PF.
UMnu Tsvangirai uthe kasoze avume ukuncintisa kukhetho nxa isivumelwano seGlobal Political Agreement singafezwanga ngokupheleleyo.
Wengeze wathi okumdanisayo kakhulu yikuthi bayavumelana entweni ezitshiyeneyo loMongameli Mugabe kodwa nxa sesuka lapho uMugabe enze okunye okutshiyeneyo.
Njengoba umskazo lo ungathathi nhlangothi, uNtungamili Nkomo weStudio 7 uxhume isikhulumeli seZanu PF uMnu Rugare Gumbo yena osole kakhulu amazwi kaTsvangirai.
