amalinks wokungena

Breaking News

KuLiphuma Lendaba: UBev Ugwetshwa Inyanga Ezinhlanu Ngecala Lomgido Wakhe


Bev
Kuhlelo lwethu liphuma lendaba litshona lendaba lamuhla uChris Gande weStudio Seven uxoxa loNkosikazi Busi Bhebhe, olwela amalungelo abesifazane ngodaba lokubotshwa kuka Beverly Sibanda, untombazana owetheswa icala lokugida okuthiwa akukho emthethweni.

USibanda ugwetshelwe ukuhlala entilongweni okwenyanga ezinhlanu kodwa ezintathu zesulwa ngesithembiso sokuthi kasoze aphinde lelicala kuminyaka emihlanu elandelayo. Lezi ezinye inyanga ezimbili zizesulwa nxa engabhadala ifayindi ye $100.

Ayisiko kwakuqala ukuba uBev abotshelwe umgido wakhe awenza aze angenise imbodlela esithweni sakhe sensitha. Ngomnyaka odluleyo uke wabotshwa wavalelwa okwensukwana kodwa wakhuluwa ngemva kokuba ugatsha lwezamasiko lumphe imvumo yokwenza imigido yakhe.

Kodwa okwakathesi amapholisa athi wedlulise amalawulo ngokugida aze ahlale phezu komunye owesilisa obebukele wabizwa ukuthi egide phezu kwakhe yena elele phansi.

Amapholisa abikwa ephiwe umfanekiso kamabonakude otshengisa uBev egida ebhawa esegcekeni lendizamtshina eHarare. UBev uke wabizwa esontweni nguMfundisi Magaya owamthengela isitolo wathi atshiya ukugida kwakhe.

Ubelikholwa okwesikhatshana kodwa wathi uselamba sekumele abuyele ukuyagida njalo.
please wait

No media source currently available

0:00 0:04:53 0:00
Lapho esitholakala khona
XS
SM
MD
LG