Unobhala jikelele wecele le MDC elikhokhelwa nguMnu. Morgan Tsvangirai, ongumpathintambo obona ngezemali, uMnu. Tendai Biti, ubikwa ekhutshiwe esibhedlela se Avenues Clinic eHarare ngolweSine kulandela ingozi yemotha emehlele ngolweSithathu ntambama e Chegutu.
Imota ka Biti ibikwa igudlwe yi lori ebikade igijima ngesiqubu esikhulu, njalo umtshayeli kasamanga khonapho, kodwa wayabika emapholiseni ngokwenzakeleyo. Amapholisa abikwa ehlolisisa loludaba.
UNkosazana Thabitha Khumalo, umsekeli wesikhulumi secele le MDC elikhokhelwa nguMnu. Morgan Tsvangirai utshele uStihandekile Mhlanga oweStudio 7 ukuthi lanxa bekuyingozi makhaza, ibandla lakhe lizahlala liqaphele.