amalinks wokungena

Breaking News

Ubudlwangudlwangu Bezombusazwe Buyamemetheka eZimbabwe


Udlakela oluphathelene lezombusazwe lubikwa lokhu luqhubekela phambili elizweni kulandela ukubulawa kukaMnu. Maxwell Ncube, isiphathamandla secele le Movement for Democratic Change (MDC) elikhokhelwa nguMnu. Welshman Ncube otholakele ngeviki edluleyo esebhubhile njalo elamanxeba akhomba ukuthi wabulawa.

Umuyi ungcwatshwe ngolweSithathu emzini wakhe eNtenezi eZhombe, njalo iziphathamandla zalelibandla zicabangela ukuthi ubulewe ngamalunga ebandla leZANU PF.

Icele le MDC elikhokhelwa nguMnu. Morgan Tsvangirai lalo lithi kulelunga lalo elitshayiweyo ngolweSine eMbare ngabacatshangelwa ukuthi ngabebandla le ZANU PF.

Ukuze sihlaziye udaba lodlakela elizweni, uSithandekile Mhlanga oweStudio 7 uxoxe loMnu. Edwini Ndlovu, isiphathamandla secele le MDC elikhokhelwa nguMnu. Welshman Ncube endawonye loMnu. Promise Mkhwananzi isiphathamandla secele le MDC elikhokhelwa nguMnu. Tsvangirai.

XS
SM
MD
LG