amalinks wokungena

Breaking News

EleZimbabwe Linanza IWorld AIDS Day


EleZimbabwe limanyane lamanye amazwe womhlaba ekunanzeni usuku lwe World AIDS Day. Umeli we Melika e Zimbabwe uMnumzana Charles Ray ukhokhele iqembu labontanga abayisikhombisa abalodumo ekuyahlolweni igazi njengesibonelo sokuzinikela ukwazi ukuba bayisima kanjani.

Bekungabizwa ozwayo ngolweSithathu koBulawayo lapho abesifazane abangaphezu kwamakhulu ayisitshiyagalombili bengene ezitaladeni bayakuthi gwaqa eCity Hall betshengisela ukuthi abanye babo sebediniwe ngokutshaywa lokudlwengulwa bethelelwa umkhuhlane we ngculaza. Lo bekungumbuthano njalo wokunanza ilanga lokubheka umkhuhlane lo, i World AIDS Day kanye lamalanga alitshumi lasithupha wokuthakazelela ukuhlukuluzwa kwabesifazane, i 16 Days of Activism Against Gender Based Violence.

Kusenjalo, inhlanganiso elwela ilungelo labantu abaphila legcikwane le ngculaza, i Zimbabwe Zational Network of People Living with HIV/AIDS, ithi okubuyisela umkhankaso wokulwisana lomkhuhlane wengculaza emuva yikuthi abafundisa abanye ngokuphila laleligcikwane kuma Support Groups kabafundiswanga okupheleleyo ngokuthi baqhube njani lumsebenzi.

Isiphathamandla salinhlanganiso, uMnu. Sipho Mahlangu, utshele uSithandekile Mhlanga we Studio 7 ukuthi inhlanganiso yakhe, incedisana logatsha lwezempilakahle, isiphume logwalo lokufundisa abantu ngokuthi bafundise njani abanye kuma support groups.

‚Äč
XS
SM
MD
LG