amalinks wokungena

Breaking News

Udaba Lokuphindisela Kwabasekeli beMDC Kudala Inkulumo


UMsekeli kamgcinisihlalo weMDC, Umnu. Morgan Komitshi uthi abasekeli beMDC kumele baphindisele nxa bengatshaywa ngabeZanu PF

Inkuthazo kamsekeli kamgcinisihlalo wecele leMDC elikhokhelwa nguMnu. Morgan Tsvangirai, uMnu. Morgan Komichi yokuthi abasekeli bebandla lakhe baphindisele nxa bengatshaywa ngabasekeli beZanu PF isidale inkulumo. UKomichi utshele abasekeli bebandla lakhe emngcwabeni welunga lalelibandla, uMnu. Diamond Karanda eHarare ngoLwesibili ukuthi amapholisa asehlulekile yikho amalunga eMDC sekumele asukume ngobunengi azivikele, ikakhulu nxa engahlaselwa ngamalunga eqembu leChipangano esekela iZanuPF.

Ingcwethi kwezombusazwe zithi uKomichi usetheze olulenkume ngoba vele iZanu PF ifuna ukuthi ibandla leMDC liqale udlakela beselithatha amanyathelo alukhuni.

Enye yalezingcwethi uMnu. Lovemore Madhuku uthi iMDC kumele ikhulumisane labeZanu PF hatshi ukutshotshzela udlakela.

UMnu. Charles Mangongera ongenye njalo yalezi ngcwethi uthi ibandla leMDC alingeke lamisana leleZanu PF ngoba liphathiswa ngamapholisa lamasotsha yikho kumele litshiyane lodaba lokuphindisela.

Umsekeli kanobhala obona ngokuqoqwa kwenhlelo zebandla leMDC-T, uMnu. Abednicho Bhebhe utshele uChris Gande weStudio 7 ukuthi ibandla lakhe kalifuni dlakela.

XS
SM
MD
LG