amalinks wokungena

Breaking News

Udaba Lwabosibalukhulu Bezabelo Lubangela Ingxabano Phakathi KweZanu PF leMDC


Sokuqhamuke ukufuthelana phakathi kweZanu PF leMDC phezu kodaba lokuqala umsebenzi kwabosibalukhulu bezabelo.

Lokhu kwenzakala kungakedluli iviki kugqitshwe umhlangano weSadc kweleNamibia obuhlaziya udaba lweZimbabwe.

IMDC ithi ifuna osibalukhulu bayo befungiswe njalo beqalise umsebenzi.

IZanu PF ithi kuvunyelenwe ukuthi osibalukhulu laba bazafungiswa nxa izijeziso zenotho sezesuliwe.

Kodwa lokhu yinto elandulwa yiMDC isithi akula kuvumelana okunje okuke kwaba khona phakathi kwayo leZanu PF.

Abakhona osibalukhulu beZanu PF, isikhathi sokusebenza kwabo sesifike emaphethelweni, okutsho ukuthi sebesebenza ngaphandle komthetho.

Umlamulankunzi kudaba lweZimbabwe uMongameli Jacob Zuma wazise iSadc ukuthi amacele eZanu PF leMDC sezivumelene entweni ezingamatshumi amabili lane phakathi kwezingamatshumi amabili lasikhombisa ebezihlupha.

Uthe udaba lwabosibalukhulu ngolunye lwezinto ebesezilungisisiwe.

Kodwa ngokutsho kweZanu PF, osibalukhulu beMDC laba balakho ukungafungiswa.

Ukuhlaziya udaba lolu uNtungamili Nkomo oweStudio 7 uxhume ingcwethi ecubungula ezombusazwe uMnu George Mkhwanazi.

XS
SM
MD
LG