amalinks wokungena

Breaking News

Uzulu Uthi Iminyaka kaMongameli Akumelanga Yedlule Engu-70


Inengi lithi abancintisa kusikhundla sokuba ngumongameli welizwe kumele babe ngabaleminyaka engekho phezu kwengamatshumi ayisikhombisa 70, okuyinto engathakazelelwa yiZanu PF.

Iphephandaba leZimbabwe Independent libike ngoLwesihlanu ukuthi uzulu uveze lumqondo ngobunengi esipha imbono yakhe kudaba lokulotshwa kwesisekelo sombuso esitsha.

Le yinto elakho ukungathakazelelwa libandla leZanu PF njalo ilakho ukungangeni kusisekelo esitsha ngoba uMongameli Mugabe, yena ozamela lelibandla kukhetho oluzayo, eleminyaka phose engamatshumi ethoba munwe munye, 87.

Ingcwethi ehlaziya ezombusazwe uMnu Brilliant Mhlanga uthi ngempela abaleminyaka edlula engamatshumi ayisikhombisa akumelanga bavunyelwe ukuncintisa kukhetho bedinga ukuba ngumongameli welizwe ngoba sebekhule kakhulu.

XS
SM
MD
LG