Ibandla eliphikisayo kwezombusazwe ele ZAPU lithi uMongameli Robert Mugabe labanye bakhe abakubandla leZANU PF sebesesaba ukulahlekelwa ngamandla abalawo yikho besala ukuthi isisekelo sombuso esitsha sikubeke sobala ukuba amandla abelwe izabelo iDevolution. Kubika intathelizindaba yeStudio 7 uMavis Gama.
Kusenjalo, uMnu. Effie Dlela-Ncube ingcwethi ecubungula ezombusazwe njalo engumqondisi we Matabeleland Constitutional Reform Agenda utshele uSithandekile Mhlanga weStudio 7 ukuthi inhlanganiso ezizimeleyo ezinengi elizweni zivumelana lombono kaDabengwa owokuthi izabelo ezinhlanu elizweni ezibalisa iMasvingo, Manicaland, Mashonaland, Midlands, le Matabeleland ziphiwe amandla okuzibusa.