Udaba lwesithombe sowayengumsekeli kaMongameli, uMnu. Joshua Nkomo silokhu siludaba egudwini lanxa sesileviki sisusiwe emgwaqweni wakoBulawayo. Lokhu kulandela imbiko liviki ekhomba ukuthi lesi sithombe
lesinye esifanayo esasimele sifakwe eHarare zilungiswe ngendleko engaba ngamadollar eMelika edlula isigidi, yena uzulu ephakathi kokudubeka. Lesi sithombe sisuswe kulandela ukukhonona kwemuli yako Nkomo ethi ibi ngaziswanga ngokulungiswa kwalesi sithombe lababengabasekeli bakhe abasola ukuthi silungiswe ngabantu abadabuka kwele North Korea okulapho okwavela abafundisa ivuyo le Five Brigade elabulala abantu besiNdebeleni ngesikhathi seGukurahundi.
Isithombe esifanayo ebesimele sifakwe eHarare asisafakwanga ngoba kwabalokukhonona ukuba sifakelwani eKarigamombe okutsho ukuthi owisa inkomo ngolimi lwesiShona okuyindawo ebikwa kwakuhlangana ababeqoqa impi yeGukurahundi. UChris Gande weStudio 7 uxoxe lengcwethi kweze mbali yesizwe, uMnu. Phathisa Nyathi othi uhulumende wenze kuhle ukususa lesi sithombe.