Udlakela lwezombusazwe lokhu luqhubekela phambili endaweni zelizwe ezitshiyeneyo lanxa uMongameli Mugabe eseke wathi kumele lume.
NgolweSine khona eMbare omunye umsekeli wecele leMDC elikhokhelwa nguMnu. Morgan Tsvangirai, uMnu. Ayaya Kassim usiwe esibhedlela elamanxeba esabekayo ngemva kokuthelwa amafutha atshisayo ebusweni ngabacatshangelwa ukuthi ngabasekeli bebandla leZanu PF.
Akulamuntu osebotshiwe phezu kwaloludaba. Isiphathamandla secele leMDC elikhokhelwa nguTsvangirai, uMnu. Peter Moyo utshele iStudio 7 ukuthi ngani otshisiweyo engoweZanu PF ngabe sekubotshwe abasekeli balelibandla abanengi.