Ukuphithizela kwabantu abathenga bethengisa ilitshe eliligugu eledayimani kubikwa sekuqalisile njalo ko Chiadzwa emangweni we Marange eManicaland. Amasotsha labasekeli beZanu PF babikwa belungisa igceke lendizamtshina eduze lalapho okwenjiwa khona ilitshe leli, osekwethuse abalwela ilungelo likazulu.
Inhlanganiso evimba ukuthengiswa kwelitshe ledayimani elenjiwa kusetshenziswa ucuku lodlame, i Kimberly Process yapha isinqumo sokubana uhulumende kumele asuse amasotsha koMarange ngemva kwembiko ethi ayesebulele abantu abanengi okwesabekayo kubangwa lona ilitshe ledayimani.
UChris Gande weStudio 7 uxoxe lengccwethi kwezombusazwe, uMnu. Rejoice Ngwenya ukuze sizwe imbono yakhe ngaloludaba.