Kuhlelo "Liphuma Lendaba Litshona Lendaba" sixoxa loMnu. Marvelous Khumalo isikhulumeli senhlanganiso ye Harare Metropolitan Residents’ Forum kulandela ukulwisana okuqhamuke kulelodolobho phakathi kwamapholisa labaphila ngokuthengisa ezithaladeni.
Amapholisa la abikwa abefuna ukuthi abantu laba basuke lapho abathengisela khona baye endaweni ezakhelwa abathengisa emgwaqweni. Abantu laba bathi lapho abekhelwa khona akulabhizimusi njalo lezambuzi.
Kubotshwe abantu abayisitshiya galombili kade besemthethwandaba namhla lapho abancitshwe khona ithuba lokuhlawula imali yesibambiso.
UKhumalo uthi udubo lwabathengisa ezitaladeni lolu alusoze luphele nxa uhulumende engalungisisi udaba lomnotho welizwe lokutholakala kwemisebenzi eyiyo enza abantu bangene ezitaladeni bethengisa impahla yabo.
