Iqula logatsha olubona ngokufeza inhlelo zikahulumende womanyano, iJOMIC, lizibonele ngawalo inkamba yabontanga kwesinye isikolo kulandela ukukhalaza kukamphathintambo wezamandla kagetsi, uMnu. Elton Mangoma.
Isikhulumeli se JOMIC uMnu. Joram Nyathi utshele iStudio 7 ukuthi linkamba ifundisa ontanga inhlelo ezibikwa ziphansi komanyano we United Nations. Kodwa uMangoma uthi akuvunyelwananga ukuthi inhlelo lezi zenziwe ngoba ontanga befundiswa okungabaphathisiyo.
Izakhamizi zeHeadlands zibikwa zibanjwa ngamandla ukuthi ziphe linkamba impuphu lokunye ukudla kwentsha le.
Umgcinisihlalo wabasakhulayo kubandla leMDC ekhokhelwa nguMnu. Morgan Tsvangirai koBulawayo uMnu. Bekithemba Nyathi utshele iStudio 7 ukuthi intsha yeZanu PF isiqalisile ukubumba inkamba zokuhlukuluza uzulu phambilini kokhetho.