amalinks wokungena

Breaking News

Ugwalo LweDraft Constitution Luzabe Seluhlolisisiwe NgoLweSihlanu Oluzayo: COPAC


ICOPAC ikhuphe lumbiko emhlanganganweni lentathelizindaba eHarare, lapho engezelele ukuthi iqhuba kuhle lumsebenzi lanxa kungaba lengxabano phakathi kwamabandla ezombusazwe ngokunye okumunyethwe yilolugwalo.

Ikomithi yedale lephalamende ebona ngokulotshwa kutsha kwesisekelo sombuso eyeCOPAC ithi izaqedisa ukuhlolisisa ugwalo olukhangelelwe ukuthi lube yisisekelo sombuso esitsha olwe Draft Constitution ekupheleni kweviki ezayo.

ICOPAC ikhuphe lumbiko emhlanganganweni lentathelizindaba eHarare ngoLwesihlanu, lapho ephinde yathi iqhuba kuhle lumsebenzi lanxa kungaba lengxabano phakathi kwamabandla ezombusazwe ngokunye okumunyethwe yilolugwalo.

Ugwalo lolu luzachasiswa ngendimi esitshiyeneyo ezigoqela ulimi lwabangaboniyo olwe Braile. Ilizwe likhangelelwe ukuqhuba ukhetho kulandelwa izinqumo ezilotshwe kulolugwalo.

UMnu. Believe Gaule, isiphathamandla se COPAC, ekucele le MDC elikhokhelwa nguMnu. Welshman Ncube utshele uSithandekile Mhlanga weStudio 7 ukuthi kunengi okufanele kufezwe kungakaqhutshwa ukhetho lweReferendum.

XS
SM
MD
LG