amalinks wokungena

Breaking News

Inhlanganiso Ezimelelyo Ifundisa Ngokuguquka Komkhathi


Kuhlelo Liphuma Lendaba Litshona Lendaba esilethulela lona maviki wonke ngoLweisthathu sixoxa loMnu. Trust Nhubu okhokhela inhlanganiso ye Center for Climate Change Knowledge Foundation in Africa.

UNhubu uthi linhlanganiso yaqala ngomnyaka ka 2013 kulandela inhlolisiso abayenzayo yaveza ukuba inengi kalazi udaba lokuguquka komhlaba lembangela yalesisimo.

"Sabona ukuthi ukuguquka komkhathi sekulethe indubo ezinengi ikakhulu nxa sikhangela emaphandleni abantu bathwelenzima ngokutshintsha komumo womkhathi," kutsho uNhubu.

Wengezelele esithi bafundisa uzulu ngokuthi ukuguquka komkhathi kubangela ukuthi kube lendala njalo abantu kumele benzeni. Uthi uncedo lwemali baluthola ebantwini abatshiyeneyo lenhlanganiso ezifuna ukuthi uzulu abekwazi ngokuguquka komkhathi.

"Uma ukhangele ukuna kwezulu khona kahle kahle akusafani lakudala. Ngama 1980 laliqala ukuna ngabo September kuthi ngabo October abantu sebehlanyela. Kodwa kathesi uzananzelela ukuthi uDecember uyaze ephele kungakafiki kumbe idrop elilodwa," kutsho uNhubu.

Uthi lanxa bengakafundisi abantu abanengi bakhangelele ukufundisa labantwana bezikolo kunye lezakhamuzi emaphandleni. Uthi njalo bakhangelele ukuvula amanye amahofisi emadolobheni amanye ngaphandle kwe Harare lapho abalehofisi okwakathesi.

please wait
Embed

No media source currently available

0:00 0:06:07 0:00
Lapho esitholakala khona

XS
SM
MD
LG