Umsekeli womqondisi wogatsha lwendaba zaphakathi kwele South Africa uMnumzana Jackson McKay ndawonye lelunga lequla elikhokhela uhlelo lokubhaliswa ngokusemthethweni kwezizalwane zeZimbabwe kwele South Africa, uMnu. Solomon Chikowero,baqede usuku lonke beseConsulate yeZimbabwe ngoLweSithathu, bekhuthaza labo abafaka izicelo zokuthola amaphasipoti ukuthi bagijime baqale ngokuyafaka izicelo zama permit umusa ungakavalwa ngoLweSihlanu phakathi kobusuku.
Kusenjalo, uMnu. Walter Nsununguli Mbongolwane, ingcwethi ecubungula ezombusazwe, uthi inengi lezizalwane zeZimbabwe alisoze lenelise ukubhalisa ngamalanga amalutshwane asesele, ngakho lilakho ukubuyiselwa emuva.
Utshele uSithandekile Mhlanga we Studio 7 ukuthi inengi lizathemba amazwi kahulumende wele South Africa athi akulamuntu ozabuyiselwa emuva uhlelo lokulungiswa kwamaphepha lungakagqitshwa.