amalinks wokungena

Breaking News

Uhlelo Lokuhlaba Abantwana Amajekiseni Okuvikela Imikhuhlane Lugqitshwe NgolweSithathu


Uhlelo lokuhlaba abantwana amajekiseni okuvikela imikhuhlane olusungulwe ngeviki edluleyo lugqitshwe nngolweSithathu.

Ugatsha lwezempilakahle belusebenzelana lenhlanganiso ezigoqela i United Nations Childrens Fund-UNICEF le World Health Organisation-WHO kulo umkhankaso.

Injongo yogatsha lwabezempilakahle ibingeyokuhlaba abantwana abafika izigidi ezinhlanu kusiyaphela loluhlelo. Okwakhathesi umsakazo weStudio awukemukeli inani labantwana bonke abahlatshiweyo kusiyaphela lumkhankaso ngolweSithathu. I UNICEF ithi inani labakade sebehlatshiwe kusiyafika ngomgqibelo odluleyo bebesedlula izigidi ezintathu.

Ugatsha lwezempilakahle luthi lulethemba lokuthi ekupheleni komkhankaso lo injongo yokuhlaba abantwana abayizigidi ezinhlanu iyabe ifezekile, ngoba abazali abanengi ezigabeni zonke zelizwe bahle basukumela phezulu bayahlabisa abantwana.

UBrenda Moyo weStudio 7 uxhume uNkosikazi Rita Ndlovu oke waba ngu Senator weNkulumane koBulawayo ochasisa akubone kusenzakala esigabeni ahlala kiso.

Ingcwethi kwezempilakahle zithi uhlelo lolu luhambe kuhle sibili kodwa abazali kumele baqaphele okungehlela abantwana ngemva kokuhlatshwa amajekiseni la.

Udokotela Joshua Sibanda uthi umntwana osanda kuhlatshwa ijekiseni ulakho ukutshisa umzimba, ukuhuda, kumbe ukuhlanza, kodwa abazali bengethuki ngoba lokhu kungaziphelela kodwa masinyane.

XS
SM
MD
LG