amalinks wokungena

Breaking News

Kusungulwa Uhlelo Lokuhlaba Abantwana Amajekiseni Okuvikela Imikhuhlane


Uhlelo lokuhlabisa abantwana amajekiseni okuvikela imikhuhlane evame ukubulala abantwana luqale ngoMvulo elizweni lonke jikelele. Loluhlelo luqhutshwa lugatsha lwezempilakahle, inhlanganiso ebona ngezempilakahle emhlabeni jikelele eye World Health Organisation lenhlanganiso ye United Nations Childrens Fund-UNICEF lezinye .

Isiphathamandla se UNICEF uNkosazana Tsitsi Singizi utshele umsakazo weStudio 7 ukuthi umkhankaso wabo uqale kuhle sibili .

Umkhankaso lo ngowokuvikela abantwana emikhuhlaneni egoqela uphepha lwe whooping cough, indingindi, i tetanus, polio leminye. Lolu hlelo luqhutshwanje kulandela ukuqhamuka komkhuhlane wendingindi kwezinye izigaba zelizwe obulele abantwana phose abangamakhulu amane 384.

Umkhuhlane lo ubikwa umemetheke kakhulu kwabokholo lwesipotoli abangelatshwayo nxa begula kodwa bephila ngemithandazo. Emhlanganweni lenhloko kahulumende Umnumzana Morgan Tsvangirai ngeviki edluleyo, abokholo lwesipositoli bathembise ukuthi bazahlabisa abantwababo amajekiseni emkhankasweni lo oqale namhla usiya phela mhla zimbili ngenyang’ezayo.

UBrenda Moyo weStudio 7 uxhume intathelizindaba yeStudio 7 uJoseph Njani olandisa ngakubone kusenzakala emzini we Pumula koBulawayo.

UBrenda uphinde waxhuma omunye wamakholwa esipositoli uMnumzana Prophet Moses Mthabisi Ngwenya owenkonzo ye United Twelve Apostolic Church in South Africa, okhuthaza abokholo lwakhe ukuthi baphatheke kuhlelo lukahulumende lokuhlaba abantwana amajekiseni, ngoba kulilungelo labantwababo.

XS
SM
MD
LG