Amalunga edale lephlamende ahlangene ehlaziya udaba lokubunjwa kwesisekelo sombuso. Ngemva kwalokhu amalunga aleli dale angabagcinisihlalo bamakhomidi athiwa ngama thematics bahlangene njalo baqhubeka bekhulumisana ngokuthi loluhlelo luzaqutshwa njani.
NgoMvulo kuzaqala ukufundiswa amanye amalunga alelidale ngohlelo lokuthatha imbono kazulu ukuthi ibe yingxenye yesisekelo sombuso esitsha.
Uhlelo lolu lubikwa luzaba mbaxa mbili, eyakuqala ngeyokuthatha imbono kazulu kuthi enye ibe ngeyokuhlanganisa limbono ibuthelelwe ndawonye kube yiso isisekelo sombuso esizaphindiselwa njalo kuzulu ukuze abone ukuthi uyavumelana laso na andubana sibe ngumthetho ozenza kube lokhetho lokudinga umongameli.
UChris Gande weStudio Seven uxoxe lomela iNketha kudale lephalamende, uMnumzana Seiso Moyo, engowecele leMDC elikhokhelwa nguMnumzana Morgan Tsvangirai, ukuze sizwe okunengi ngaloluhlelo.
