Ikhomidi yedale lephalamende ebona ngokulotshwa kwesisekelo sombuso esitsha ithi ikhangelele ukuthi labo abazakuyathapha imibono kazulu baqale umsebenzi ekupheleni kwayonale inyanga.
Omunye wabagcinisihlalo bekhomidi le uMnumzana Edward Mkhosi uthi kuzaqala kufundiswe laba abazakuyaloba phansi imibono kazulu isifakwa kusisekelo esitsha.
Umkhosi uthi izifundo lezi zizakwenzelwa ezigabeni ezehlukeneyo zelizwe andubana laba abazakuyathapha imibono baphume ijumo.
Umkhosi ukhalaza ngesicelo samapholisa athi afuna imali engange zigidi phose ezinthathu zamadollar eMelika US$2,9 million dollars yokusebenzisa ngesikhathi sokulotshwa kwesisekelo esitsha.
