amalinks wokungena

Breaking News

Uhlelo Lokuqoqa Imbono Kazulu Ludluliselwa Phambili Kwezinye Izigaba Zelizwe


Inhlanganiso encedisa ngemali kulolu hlelo eye United Nations Development Fund, i UNDP, ibikwa isakhuphanga imali yokubhadalela indawo zokuhlala, imota zokuhambisa, njalo obekufanele kusetshenziswe ekufundiseni abantu lokhu kungakafinyeleli ezinye izigaba zelizwe. Esinye isizatho sibikwa singesokuthi uhlelo lolu luqondane lemdlalo ye World Cup esaqhubeka eSouth Africa, ngakho abantu abasoze bebuye ngobunengi babo, kukanti abanye bafuna ukuphazamisa loluhlelo.

Ikhomithi ekhokhela uhlelo lokulotshwa kwesisekelo sombuso esitsha eye COPAC isungule umsebenzi wokuthumela amaqembu azabuthanisa imbono kazulu engena kusisekelo sombuso esitsha kundawana ezitshiyeneyo zelizwe.

Silokhu sisedabeni lwesisekelo sombuso, uhlelo lokuqoqwa kwembono kazulu ezangena kulesi sisekelo aluseyikusungulwa ngolweSithathu kwezinye izigaba zelizwe, ezigoqela iHarare, i Bulawayo kanye le Matabeleland North, abaqoqa imbono abasafundiswanga okokucina, kanye lokuphiwa incwadi ezibapha imvumo yokuqhuba loluhlelo njengalokhu obekukhangelelwe.

Inhlanganiso encedisa ngemali kulolu hlelo eye United Nations Development Fund, i UNDP, ibikwa isakhuphanga imali yokubhadalela indawo zokuhlala, imota zokuhambisa, njalo obekufanele kusetshenziswe ekufundiseni abantu lokhu kungakafinyeleli ezinye izigaba zelizwe.

Esinye isizatho sibikwa singesokuthi uhlelo lolu luqondane lemidlalo ye World Cup esaqhubeka eSouth Africa, ngakho abantu abasoze bebuye ngobunengi babo, kukanti abanye bafuna ukuphazamisa loluhlelo.

USithandekile Mhlanga we Studio 7 uxoxe lo Mnu. Believe Gaule, okhokhela loluhlelo ko Bulawayo kanye le Matabeleland North, ukuze sizwe okunengi ngaloludaba.

Kunjalo nje, sekusesatshelwa ukuthi ukubuthaniswa kwembono kazulu ezasetshenziswe ekulobeni isisekelo sombuso esitsha kulakho ukuphazamiswa yimidlalo yenguqu, eye World Cup. Lanxa kulembiko ethi uhlelo lolu luzamiswa ngesikhathi kulamaqembu ayabe edlala inguqu inhlanganiso ye Matabeleland Constitutional Reform Agenda ithi kulabantu abanengi abaye kwele South Africa ukuyabukela limidlalo ngakhoke abakho elizweni.

Kodwa umsekeli kamphathintambo wezenzakala phandle kwelizwe, uMnu. Moses Mzila Ndlovu utshele iStudio UcHRIS Gande weStudio 7 ukuthi abantu bazapha imbono yabo kungelani lemidlalo le.

‚Äč
XS
SM
MD
LG