Inengi lababalisi lithi lanxa uhlelo lokuphathisa abantwana kwezemfundo, olwe Child Friendly Schools, luqakathekile, okusolisayo yikuthi alulanjongo yokuncedisa ababalisi ngemali lokunye okungabapha idlabuzane emsebenzini.
Inhlanganiso ezigoqela eye UNICEF, kanye leziphathamandla zikahulumende, ziphakathi kokudingisisa imbono ngaloluhlelo, oluzabona kuncediswa izikolo ngamamabhuku, izihlalo, njalo kwakhiwe izikolo ukuze kungabi labantwana abaqalisa izifundo emini.
UMnu. Enock Paradzai, isiphathamandla se Progressive Teachers’ Union of Zimbabwe utshele uSithandekile Mhlanga we studio 7 ukuthi ababalisi lokhu bekhweza izikhalazo zabo kule imihlangano elokhu isaqhubeka.