Ikhomidi ebona ngohlelo lokulotshwa kutsha kwesisekelo sombuso edale lephalamende ithi uhlelo lolu soluzaqhubekela phambili ngoZibandlela, ngemva komhlangano omkhulu we bandla le ZANU PF, ukwenzela ukuthi lungaphazimeseki.
Ekhuluma ngoMvulo emhlanganweni omkhulu we Progressive Teachers’ Union of Zimbabwe eHarare, umgcinisihlalo we komiti le, uMnumzana Paul Mangwana uthe uhulumende uzavula amanye amahofisi, njalo engezelele inani labantu abazaqhuba lumsebenzi.
UNkosikazi Nokuthula Hlabangana, umsekeli kamgcinisihlalo walinhlanganiso, uchasisele uSithandekile Mhlanga we Studio 7 okunengi ngaloludaba.
