Uhlelo lokulotshwa kutsha kwesisekelo sombuso esitsha selizwe soluphinde lwamiswa ngenxa yokuswelakala kwemali efika phose izigidi ezimbili zamadola, i -$1, 8 million kanye lokungezwanani phakathi kwamalunga enhlanganiso ye COPAC eqhuba loluhlelo ngendlela okufanele imbono eyaqoqwa ebantwini ihlelwe ngayo.
UNkosikazi Gladys Gombami-Dube, isiphathamandla se COPAC, njalo ekucele le MDC elikhokhelwa nguMnu. Morgan Tsvangirai uthi amakomiti abehlela imbono yabantu kumaviki edluleyo acine ku sigaba se ward level njalo awasafikanga ku district laku provincial level ngenxa yokuphambuka kwebandla le ZANU PF kundlela eyavunyelwanayo ukuthi kuhllwe ngayo limbono.
Kodwa uMnu. Paul Mangwana, isiphathamandla se COPAC, njalo engowebandla le ZANU PF uyakulandula lokhu esithi imbono yebandla lakhe yiyo eqondileyo njalo ibandla elikhokhelwa nguMnu. Tsvangirai yilo elidonsela loluhlelo emuva ngoba lingehlukanisi phakathi kwezombusazwe loku lungele ilizwe.
Asizweni okunengi ngaloludaba kungxoxo uSithandekile Mhlanga ayiqhube lo Dube-Gombami.