amalinks wokungena

Breaking News

Uhlupho Lokuswelakala Kukagetsi Luqhubekela Phambili Elizweni


Ukuswelakala kwama pre-paid meters awokuthenga amagetsi umuntu engakawasebenzisi kukhanya kuzaqhubekela phambili edolobheni leHarare le Bulawayo ngoba uhulumende esadinga amankampani azaqhuba lumsebenzi.

Ukuswelakala kwama pre-paid meters awokuthenga amandla kagetsi umuntu engakawasebenzisi kukhanya kuzaqhubekela phambili edolobheni leHarare le Bulawayo ngoba uhulumende esadinga amankampani azaqhuba lumsebenzi.

Kodwa umphathintambo kahulumende obona ngezamandla kagetsi, uMnu. Elton Mangoma uthi uhlelo lokwakha ama pre-paid meters la luzaqhubeka kwamanye amadolobho amancinyane ngemva kwenyanga ezimbili ezizayo.

UMnu. Roderick Fayayo, isiphathamandla senhlanganiso ye Bulawayo Progressive Residents Association uthi inengi lezakhamizi bezikhangelele ukuthi uhlelo lolu luqalise masinya ngoba zibhadaliswa imithelo ephezulu kungela ngcazelo eqinileyo.

Ukhansila Elmon Mpofu weMpopoma utshele uSithandekile Mhlanga we Studio 7 ukuthi uhlupho lokutholakala kukagetsi lokhu luqhubekela phambili njalo izakhamizi zithwele amagabha avuzayo ngoba zingenelisi ukuthola inkuni ezeneleyo.

Kusenjalo, amalunga edale lephalamende aphoselane aqatha ngolweSine kulelidale, awebandla le MDC esithi awe ZANU PF yiwo alezikwelede ezesabekayo kunkampani ye ZESA, wona elamapulazi athola imali kuwo. Awebandla le ZANU PF lawo aphendule ngokuthi kulokungathembeki kuziphathamandla zecele le MDC elikhokhelwa nguMnu. Morgan Tsvangirai, ikakhulu yena ngokwakhe uTsvangirai.

XS
SM
MD
LG