Uhlupho lokuswelakala kwamanzi lokhu luqhubekela phambili edolobheni lako Bulawayo, njalo amadamu aseleyo, ele Insiza le Lower Ncema, alamanzi amalutshwana kakhulu.
Lokhu kwenzakala amanye amadamu amathathu ele Mzingwane, Upper Ncema le Inyankuni engaselamanzi.
UMnu. Amen Mpofu, umsekeli ka Mayor wedolobho lako Bulawayo, utshele iStudio 7 ukuthi uhulumende uthembisile ukuthi uhlelo lokudonsa amanzi edamu leMtshabezi, oluzakwenza uhlupho lwamanzi lube nganeno luzaqediswa ngenyanga ka Mbimbitho ngomnyaka ozayo.
UMpofu uthi lanxa kunjalo, uhlelo lwe Matabeleland Zambezi Water Project, olulokhu lungaka sungulwa ngokupheleleyo, yilo olukhangelelwe ukuqeda uhlupho lwamanzi esigabeni se Matabeleland.