Ugatsha olubona ngelungelo labathengi olwe Consumer Council of Zimbabwe (CCZ) lucela uhulumende ukuthi asungule umthetho owokuthi kusetshenziswe imali eyodwa eZimbabwe ngoba abantu abahlala koBulawayo sebethwele amagabha avuzayo ngokwehla kwamandla edola leMelika nxa liqathaniswa le rand ye South Africa.
Intathelizindaba yethu uMzenzi Tshabangu ubika ukuthi lokhu sekubangele ukuthi osiphatheleni baphenduke njalo emigwaqweni yalelidolobho.
Umnu. Comfort Muchekeza okhokhela iCCZ koBulawayo utshele uTshabangu ukuthi uhulumende sokumele angenele kuloludaba.
Kusenjalo, ingcwethi kwezenotho uMnu. Masimba Kuchera utshele uGibbs Dube we Studio 7 ukuthi kumele ele Zimbabwe lilungise imali yalo ukwenzela ukuthi uzulu ahole imali engahluphiyo ukusetshenziswa ekuthengeni ukudla lempahla etshiyeneyo.
