amalinks wokungena

Breaking News

'Uhulumende Kaqalise Ukudingela Uzulu Ukudla'


Uzulu weZimbabwe ubikwa ebhekane lendlala embi lonyaka njalo kuzadingakala ukuthi inhlanganiso eziphathisa ngoncedo zibambisane lohulumende kudingelwe abalambayo ukudla.

Izilimo ezinengi zihle zatshabalala ngenyanga kaZibandlela kwezinye indawo zelizwe ezigoqela iMatabeleland North leSouth kulandela ukunyamalala kwezulu.

Uhulumende uthi uphakathi kokucubungula ukuba bangaki abazadinga unedo lokudla lonyaka. Kodwa abanye bathi inhlolisiso yakhe ilakho ukungachayi sobala umumo okhona ngoba ugatsha lwezokulima luvimbe ezinye inhlanganiso ukuqhuba inhlolisiso yazo zodwa ngodaba lwendlala.

Inengi, ikakhulu emaphandleni, lithi uhulumende kumele avumele zonke inhlanganiso ezabela uzulu uncedo ukuba ziqalise ukwenza lokhu. Izifuyo lazo zibikwa zilakho ukubulawa yindlala ezigabeni ezitshiyeneyo zelizwe.

Ukuhlaziya udaba lwendlala lolu sixhume iziphathamandla senhlanganiso yeChristian Alliance, engenye yenhlanganiso eziphathisa ngokudla uMnu Useni Sibanda lomeli weBulilima edale lephalamende ekucele leMDC elikhokhelwa nguMnu Welshman Ncube, uMnu Moses Mzila Ndlovu.

Bobabili bavumelene ukuba umumo mubi kakhulu elizweni, ikakhulu kweleMaNdebeleni.

‚Äč
XS
SM
MD
LG