Uhulumende ubikwa elahlekelwa yizigidi ezingamatshumi amabili zamadollar ngomnyaka ngokuholisa izisebenzi ezingasebenziyo kodwa zikuluhlu lwakhe lweholo, amaghost workers. Lokhu kuvezwe yinhlolisiso eyenziwe yinhlanganiso ecubungula ezemali, iErnst and Young eqatshwe luhlangothi lwezisebenzi zikahulumende, iPublic Service.
Linhlolisiso iveze ukuthi kulamagama edlula inkulungwane ezingamatshumi ayiskhombisa lanhlanu abaholiswayo kodwa bengasebenzeli uhulumende abagoqela intsha yeZanu PF ethiwa eye Youth Militia ethola imali yona ingafundelanga umsebenzi eziwubhadalelwayo.
UChris Gande weStudio 7 uxoxe lomsekeli kanobhala jikelele wenhlanganiso yezisebenzi, uMnu. Japhet Moyo othi lokhu kuveza ukuthi uhulumende womanyano usehluleke umsebenzi.