Kulomuntu oyedwa ocatshangelwa ukuthi ubulewe ngumvimbano ye Influenza “A” ehlanganisa i bird flu le swine flu, eMkhubazi Primary School eTsholotsho, kulandela ukuqhamuka kwalumkhuhlane ngenyanga edluleyo.
Kubikwa kwelatshwe ababalisi bakulesisikolo abalitshumi lantathu kanye labantwana abedlula amakhulu amabili, njalo esinye sezikolo ezihlaselweyo ngese Magama.
UMnu. Patrick Hazangue, umqondisi wezempilakahle esigabeni se Matabeleland North ubikwa esithi umkhuhlane lo usuhlasele abantu abedlula inkulungwane ezimbili njalo kufanele abanye benqabele ukuwuthatha ngokungathintani labalayo. Ijekiseni yokwelapha abantwana abangaphansi kweminyaka emihlanu emkhuhlaneni lo ibikwa ingekho, njalo baphiwa amaphilisi okuqeda ubuhlungu kuphela.
UMnu. Believe Gaule, uSenator weTsholotsho utshele uSithandekile Mhlanga we Studio 7 ukuthi inengi lifisa ukuthi ngabe izikolo ziyavalwa okwesikhatshana ukuze abantwana bengathelelani igcikwane lomvimbano lo.