Umqondisi wenhlelo zeTB le AIDS kugatsha lwezempilakahle uDokotela Owen Mugurungi utshele lumsakazo ukuthi uhulumende udinga imali yokulwisana lokumemetheka kwegcikwane lengculaza ele HIV/AIDS.
Ekhuluma labenhlanganiso ezizimeleyo ezikunhlelo zokulwisa ukumemetheka kwaleli gcikwane elizweni, ngeviki edluleyo eseHarare, uMugurungi ukhuthaze inhlanganiso lezi ukuthi zisebenzelane lohulumende ekuvikeleni ukumemetheka kwegcikwane, waphinda wakhuthaza abantu ezigabeni abahlezi kizo ukuthi bancedisane ukulwisana lomkhuhlane lo.
UBrenda Moyo weStudio 7 ukhulume loDokotela Elopy Sibanda othi kunengi okungenziwa nguzulu jikelele ezigabeni ahlezi kizo ukuthuthukisa ezempilakahle lokukhuthazana ngamacebo okuvikela iHIV AIDS
