Kuhlelo Liphuma Lendaba Litshona Lendaba namhlanje sixoxa lomkhokheli wenhlanganiso elwela ilungelo lamatitshala, iZimbabwe Teachers' Association kumbe ZIMTA, uMnu. Richard Gundane phezu kodaba lwenteno yempahla ezitolo.
Inhlanganiso ye CCZ ithi kusukela umnyaka uqala imali ebisondla imuli elabantu abayisithupha ibidlalela phakathi kwamadola angamakhulu amahlanu lamatshumi amahlanu $550 isiyafika phose kumadola angamatshumi ayisithupha $490.
UMnu. Gundane uthi inengi seliphila ngokuboleka imali njalo ingeneli lanxa abanye bayabe besebenza. Uthi lanxa abasebenzela emaphandleni besiba lolubelo bokungabhadali imali zokuhambisa kunye lemithelo yendlu, irent, kucina kungelamehluko lalabo abasebenzela edolobheni ngoba impahla ezitolo zemaphandleni intengo ikhuphukile.
