Uhulumende uthi useqalisile ukulungiselela umbuthano omkhulu owe United Nations World Tourism Organization General Assembly ozakuba khona eVictoria Falls ngomnyaka ka 2013, ngemva kokuthola imvumo yokuphatha lumbuthano ngenyanga edluleyo.
EleZimbabwe lithole limvumo phambi kwamazwe abalisa oRussia, Turkey, Jordan, le Qatar njalo lizakuba lilizwe lesibili ezwekazi le Africa ukuphatha lumbuthano, kulandela ele Senegal elawuphatha ngomnyaka ka2005.
Kukhangelelwe ukuba labantu abavela emazweni edlula ikhulu lamatshumi ayisikhombisa-176 emhlabeni jikelele, emkhosini ongakaze ubonakale elizweni lokhu kwedlula owe Commonwealth Heads of State and Government Meeting (CHOGM) ngomnyaka ka 1991 edolobheni le Victoria Falls.
UMnu. Godfrey Maphosa, umabhalane omkhulu walelidolobho utshele uSithandekile Mhlanga we Studio 7 ukuthi uhulumende uqalise ukuqhuba amalungiselelo alumkhosi ngempelaviki.