amalinks wokungena

Breaking News

Uhulumende Uphathisa Nge $1 million Yokuthwala Amabele


Izakhamizi zisamukela amabele eziwaphiwe zinhlanganiso eziphathisa ngokudla.

Uhulumende uthi usethule imali elibhiliyoni elilodwa ukuze iphathise ekutholiseni uzulu ukudla.

Umphathimbo kahulumende obona ngezokuphathisa uzulu, iPublic Service, uNkosikazi Prisca Mupfumira utshele iphephandaba le The Herald ukuthi limali izasetshenziswa ukuthwala ukudla lokuthenga amasaka okufaka umumbu.

"Bekulokusilela kwamasaka lemota zokthwala, kodwa lokhu sekuzaphela kulandela ukwethulwa kwemali le," kutsho uMupfumira.

Ilizwe liphakathi kodobu lokudla kulandela ukuni kuhle kwezulu ngomnyaka ophelileyo njalo lawona lo umnyka kukhanya kuzakuba lendlala embi ngoba izulu lingananga kahle.

Kubikwa ilizwe selisele lomumbu owenelisa ukufika inyanga ezine kuphela. UMupfumira uthe le imali ngeyakuqala ekuphathiseni njalo kusiyafika iviki ezayo uzulu uzabona umehluko wokuphathisa okwenziwe nguhulumende.

Kodwa isakhamuzi seLupane, uMnu. Khawudeni Ncube uthi kaboni umehluko ozalethwa yimali le.

"Kithi lapha eLupane esigabeni se Gandangula lesi siyakuzwa kukhulunywa ... Nxa ubuya nje umumbu wakhona kuba lobandlululo," kutsho uNcube.

Uthi indlala ekhona lonyaka inzima ngoba igokoko lithengwa nge $10 kuthi ukugayisa kubiza $11 kodwa abantu kabala mali.

Wenezelele esithi baphila ngezingadi kodwa izulu njengoba belingani kuhle ezingadini besekomile.

please wait

No media source currently available

0:00 0:01:45 0:00
Lapho esitholakala khona

XS
SM
MD
LG