amalinks wokungena

Breaking News

Uhulumende Uqhubeka Enikeza Abamaphephandaba Amatsha Amalayisensi


Uhulumende senikeze amanye njalo amankampani amatsha amalayisensi okudinda amaphephandaba.

Amankampani la ayisikhombisa njalo anikezwe amalayisensi yiZimbabwe Media Commission kuliviki.

Amathathu alawa mankampani ngabikwa ezadinda amaphephandaba azaphuma ngeviki kuthi amane ngazadinda ama magazine.

Kusikhatshana esedluleyo uhulumende unikeze njalo amanye amaphephandaba amalayisensi, agoqela iNews Day, Mail, Daily News lamanye angakaqalisi ukudinda.

IZimbabwe Media Commission ithe izakwazisa uzulu ukuba yiwaphi amankampani amatsha esiwanikeze imvumo yokudinda.

Isiphathamandla seMisa-Zimbabwe uMnu Njabulo Ncube uthi kuhle ukuba uhulumende ukhanya sezimisele ukuvumela amaphephandaba azimeleyo.

Kodwa uthi inhlanganiso yakhe ifuna uhulumende aqalise ukunikeza amalayisensi emisakazo yamaradio labomabonakude.

Okuhambelana lalokhu

‚Äč
XS
SM
MD
LG