Uhlangothi lwezisebenzi zikahulumende olwe, Public Service Commission lubikwa ludingisisa ukuthola amagama ezisebenzi eziphatheke ekutshengiseleni kwenyanga edluleyo zidinga ukwengezelelwa iholo ngenjongo yokuzijezisa.
Loluhlangothi selwethule ugwalondaba kuziphathamandla zogatsha lwezemfundo lusithi lufuna amagama alaba bantu ngokutshetsha. Ngenyanga edluleyo izisebenzi zikahulumende zikhalale umsebenzi okwamalanga amahlanu zisithi zifuna ukwengezelelwa iholo. Umphathintambo wogatsha lwe Public Service uNkosikazi Lucia Matibenga utshele iStudio Seven ukuthi kazi lutho ngembiko le.
Kodwa unobhala jikelele wenhlanganiso yamatitshala, iZIMT, uMnu. Richard Gundane utshele iStudio 7 ukuthi balalo ugwalondaba oluthi abakhalala umsebenzi bayadingakala. UGundane uthi bonke abadingakalayo bengesabi ukuveza amagama abo.