amalinks wokungena

Breaking News

Uhulumende Uthembisa Ukulungusela Izisebenzi Zakhe Udaba Lweholo


Izisebenzi zikahulumende zicubungula udaba lweholo lazo emhlanganweni eziwenze ekariba leziphathamandla zikahulumende ezigoqela umsekeli wenhloko kahulumende uMnu. Arthur Mutambara, kanye lo Mnu. Elphas Mukonoweshuro.

Izisebenzi zikahulumende zicubungula udaba lweholo lazo emhlanganweni eziwenzela eKariba leziphathamandla zikahulumende ezigoqela umsekeli wenhloko kahulumende uMnu. Arthur Mutambara, kanye lo Mnu. Elphas Mukonoweshuro.

Emhlanganweni lo, kuthintwe udaba lokuthi abantwana bafunde ngaphandle kwembadalo yama School Fees ezikolo, njalo izisebenzi zikahulumende zithole imali emabhanga eyokuthenga izindlu.

UMnu. John Tagara, isiphathamandla senhlanganiso elwela amalungelo ezisebenzi eye Public Service Association, utshele uSithandekile Mhlanga we Studio 7 ukuthi umhlangano lo osungule ngolweSine uphela ngolweSihlanu yiwo okhangelelwe ukuphuma lezinqumo eziqinileyo zokuthi kuthiweni ngodaba lweholo.

Kusenjalo, inengi labantwana emaphandleni lemadolobheni elizweni jikelele libikwa lokhu lingafundi ngoba lixotshwa ezikolo ngenxa yokungabhadali imali yama School Fees.

Umphathintambo wezemfundo, uMnu. David Coltard, uvumelana laleli nyathelo, esithi abantwana bengaxotshwa nxa bengabhadalanga imali yama school fees, ngoba iyafuneka, njalo iphansi kakhulu, kukanti kusemandleni ezikolo ukuthi zibaxotshele imali ye levey kumbe hatshi.

UMnu. Norman Mpofu, owayemela i Bulilima East edale lephalamende ugcizele ukuthi inengi labantwana abakulumango abayi esikolo ngesizatho esifanayo, kungxoxo ayenze lo Sithandekiile Mhlanga we Studio 7.

‚Äč
XS
SM
MD
LG