Uhulumende ubikwa efuna ukwalela bonke abazafuna ukutshengisela kusukela ngenyanga kaNhlangula lapho okuyabe kudlalwa imidlalo yenguqu yenkezo ye World Cup. Abaphathintambo ababona ngokwenzakala phakathi kwelizwe, uMnumzana Kembo Mohadi owe Zanu PF loMnumzana Giles Mutsekwa owe MDC babikwa bevumelene lelinyathelo kodwa ibandla leMDC emhlanganweni walo wangempelasonto lithe akumelanga uzulu alelwe ukutshengisela.
Kodwa uMutsekwa, onguye othiwa ulobe igama lakhe kugwalo oluqondisa amapholisa ukuthi athathe lelinyathelo, utshele iStudio 7 ukuthi lokhu akusiloqiniso. Abazi okwenzakala ebandleni leMDC bathi uMutsekwa usesala nje kuphela ukuthi wavumelana loMohadi yena iqiniso elazi.
Umsekeli wesikhulumeli secele leMDC elikhokhelwa nguMnu. Morgan Tsvangirai, uNkosazana Thabitha Khumalo utshele uChris Gande owe Studio 7 ukuthi ibandla lakhe kalifuni ukuncindezela uzulu ngokumalela ukutshengisela.
