amalinks wokungena

Breaking News

Uhulumende Uthi Uyasuthiseka Ngomsebenzi we Mbada le Canadile Diamonds


Ikhomidi yedale lephalamende ebona ngezemigodi yona ephakathi koku hlolisisa okwenzakalayo kudaba lokwenjwa kwelitshe eliligugu ele daimani emigodini yako Chiadzwa, eMarange iqhubekela phambili ngomsebenzi.

Umphathintambo obona ngezemigodi uMnumzana Obert Mpofu nguye omiswe phambi kwali khomidi ngolweSithathu.

Engakangeni kulumhlangano uMpofu utshele intathelizindaba ukuba ilizwe lokhe lisenelisa ukuthatha inyathelo lokuphuma kunhlelo ze Kimberly Process nxa lezo nhlelo ziphazamisa intuthuko kulimisebenzi yama daimani elizweni.

Kunjalo nje idale labampathintambo elecabinet selivumelene ukuthi amankampani eMbada diamonds le Canadile aqhubeke esemba amadiamonds emigodini yako chiadzwa emarange.

Umbiko lo wethulwe ngumphathintambo wezemigodi uMnumzana Obert Mpofu emhlanganweni lentathelizindaba ngoLwesibili eHarare. UMpofu uthe uhulumende uyasuthiseka ngomsebenzi wamankampani amabili la, wona asebenza phansi kogatsha lwe Zimbabwe Mining Development Corporation.

Amalunga akukhomidi yedale lecabinet avumelane ukuthi abe Mbada diamonds labe Canadile baqhubeke ngomsebenzi lo agoqela, umphathintambo obona ngezomvikela uMnumzana Emmerson Munangagwa, umphathintambo wezama industry uMnumzana Welshman Ncube,umphathintambo wezemali uMnumzana Tendai Biti,umphathintambo wezokuqoqwa kwenotho uMnumzana Elton Mangoma, laye umphathintambo wezokwenjiwa umnumzana obert mpofu.

Into engamangalisa abanengi yikuthi icabinet ivumelane kudaba lolu ngasikhathi sinye ikhomidi yedale lephalamende ebona ngezokwenjiwa iphatheke ngokudingisisa ngesimo samankampani eMbada le Canadile.

UBrenda Moyo weStudio 7 uxhume ingcwethi ecubungula ezombusazwe uMnumzana Effie Dlela Sodindo Ncube ukuze sizwe imibono yakhe ngaloludaba.

‚Äč
XS
SM
MD
LG