amalinks wokungena

Breaking News

Uhulumende Uthi Uzaphathisa Ababalekela Udlakela lweSouth Africa


Uhulumende usebumbe ikhomidi ezakhangela ngokuphathisa izizalwane zeZimbabwe ezibaleka kwele South Africa ngokwesaba udlakela lwenkethabetshabi. Kusukela ivike eldluleyo kuphela imidlalo yenguqu yomhlaba, iWorld Cup, amakhulu ezizalwane zeZimbabwe abikwa ebaleka eSouth Africa. Ikhomidi ebunjiweyo izasebenza phansi kogatsha lwe Civil Protection Unit. Umqondisi walolugatsha, uMnu. Madzudzo Pawadyira utshele iphephandaba le The Herald ukuthi bebese Beitbridge ngeSonto behlolisisa umumo.

Uthe njalo sebekhulume lenkampani yezitimela, i National Railways of Zimbabwe, iphathise ngokuthwala abayabe bephindela ekhaya. Wengezelele wathi inhlanganiso ezifana labo World Vision, International Organization of Migration le Medicines Sans Frontiers seziqalisile ukuphathisa laba bantu ngocedo lolukdla lokokuhlala.

Inhlanganiso yomanyano yabezinkonzo, iChristian Alliance layo ithi iphakathi kokudingisisa ukuthi ingaphathisa njani. UChris Gande weStudio 7 uxoxe lesikhulumeli salinhlanganiso, uMnu, Useni Sibanda.

XS
SM
MD
LG