amalinks wokungena

Breaking News

Uhulumende Uthi Uzathengisela Amadayimana AkoChiadzwa Emazweni Angempumalanga


Uhulumende weZimbabwe uthi kasoze azikhathaze ngenhlanganiso zakwamanye amazwe ezithi azisoze zithenge amadayimana akoChiadzwa, zisithi alegazi, ngoba enjiwa kulokwephulwa kwelungelo loluntu.

Umphathintambo obona ngezokwenjiwa uMnumzana Obert Mpofu uthi inhlanganiso zakweleMelika lakwamanye mazawe ezithi azisoze zithenge amadayimana akoChiadzwa zichitha isikhathi nje ngoba amazwe angempumalanga efuna madayimana la.

Ilizwe leIndia libikwa liyilo elithenge amadayimana amanengi emkambo wokuthengiswa kwamadayimana akoChiadzwa owenzele eHarare amaviki amabili edluleyo.

UMpofu uthi kukhangelelwe ukuthi imali engangezigidi ezingamatshumi amathathu-US$30million izangena esikhwameni sikahulumende ekuthengisweni kwamadayimana akoChiadzwa. Uhulumende ubethe imali yamadayimana athengsiweyo ingaba izafika kuzigidi ezedlula amatshumi amane zamadollar eMelika-US$46 million.

UBrenda Moyo weStudio7 ukhulume lengcwethi kwezenotho uMnumzana Walter Nsununguli Mbongolwane othi kuliqiniso ukuthi nxa amazwe angentshonalanga engambuluzela eleZimbabwe, lilakho ukucina lithengisela amadayimana alo emazweni angempumalanga, iLook East Policy kaMongameli Robert Mugabe.

‚Äč
XS
SM
MD
LG