amalinks wokungena

Breaking News

Uhulumende Uthi Uzavala AmaCreche Edlula 600 Ngoba Engelamvumo Yokusebenza Ngokusemthethweni


Inengi lezikolo lezi libikwa lingahlanzekanga njalo lingaphi abantwana imfundo efaneleyo.

Uhulumende uthi uzavala izikolo zama creche lapho okufunda abantwana abangakangeni ezikolo ezingamakhulu ayisithupha - 600, ngoba zingabhalisanga ngokusemthethweni ukuthi zinikwe imvumo yokusebenza.

Inengi lezikolo lezi libikwa lingahlanzekanga njalo lingaphi abantwana imfundo efaneleyo. Uhulumende uthi ukuvalwa kwezikolo lezi kutsho ukuthi abantwana abazinkulungwane ezilitshumi lambili, 12 000 bazasala bengafundi.

Kodwa uhulumende uthi uhlelo lwakhe lokwengezelela ama creche ezikolo zeprimary, olwe Early Childhood Development luyaphumela ngoba inengi lezikolo sezilawo amacreche la.

UMnu. Vusumuzi Mahlangu, isiphathamandla se Progressive Teachers’ Union of Zimbabwe utshele uSithandekile Mhlanga we Studio 7 ukuthi inengi labazali abanothileyo lokhu bekhetha amacreche endaweni yezikolo zikahulumende ezifanayo, ngoba besithi amacreche la alemfundo engcono.

​
XS
SM
MD
LG