amalinks wokungena

Breaking News

Uhulumende Uvimba I Auction Yokuthengiswa Kwamadiamonds AkoChiadzwa


Umkambo lo ubuqhutshwa yinkampani yeMbada esebenzelana le Zimbabwe Mining

Development Corporation. Esinye isiphathamandla senkampani yeMbada

uMnumzana Robert Mhlanga utshele iphephandaba le Herald ukuthi

kulezethekeli ezivela kwamanye amazwe ezizo hlola amadiamond la.

Iauction le ibikhangelele ukuqhutshwa okwamalanga amathathu.Abalandela

udaba lwamadiamonds ako Chiadzwa bathi ukuvulwa komkambo wamadiamonds

lokhu bekuvele kuzaphikisana leziqondiso zenhlangangiso ye Kimberly

Process ebona ngokuthengiswa kwama diamonds emhlabeni jikelele.

Lokhu kubikwa kuyikho okubangele ukuthi ugatsha lwezokwenjiwa lumise i

auction le, njengokutsho kosaphethe isikhundla sikamphathintambo

wezokwenjiwa uMnumzana Emmerson Munangagwa ekhuluma leStudio7 namhla.


Umsekeli kamphathintambo wezokwenjiwa uMnumzana Murisi Zwizwai laye

uyavuma ukuthi umkambo wokuthengiswa kwamadiamonds lo ubungasoze

uphumelele.

IStudio 7 iphinde yemukela omunye umbiko wokuthi ilanga lanamhlanje

belingelokubukisa kuphela amadiamonds kukhangelelwe ukuthi aqle

ukuthengiswa ku auction kusasa.

Ingcwethi ecubungula ezombusazwe uMnumzana Walter Nsununguli Mbongolwane

uthi ingxabangxoza esikhona le kudaba lokuthengiswa kwamadiamonds ako

Chiadzwa, itshengisa ukungezwani kweziphathamandla zebandla le ZANU PF.

‚Äč
XS
SM
MD
LG