Izikolo zivulwa ngolweSibili, umphathintambo wezemfundo uMnu. David Coltart uthi uhulumende uphakathi kokulungisa indlela zokwenqabela izikolo ukukhweza imbadalo yama school fees mahlayana ngoba inengi labazali lingenelisi ukubhadala limali.
Inengi lezikolo libikwa likhweze imbadalo yamaschool fees ngesilinganiso sokungamatshumi amabili kusiya kumatshumi amathathu ekhulwini lingavumelananga labazali.
UMnu. Ambrose Sibindi, isiphathamandla se Bulawayo Progressive Residents Association utshele uSithandekile Mhlanga weStudio 7 ukuthi kufanele uhulumende ancedise abazali abangenelisi ukubhadala ama school fees ngokubona ukuthi uhlelo lwe Basic Education Assistance Module lufinyelela bonke abaludingayo.