amalinks wokungena

Breaking News

Uhulumende Uzavumela Izisebenzi Zakhe Ukungenisa Izimota Zigahlawuli Umthelo Na?


Uhulumende ubikwa elakho ukuvumela izisebenzi zakhe ukuthi zithenge izimota phandle kwelizwe zingabhadlali umthelo weduty kuqala ngoZibandlela.

Iphephandaba leHerald libika ukuthi inhlanganiso emela izisebenzi zikahulumende, iPublic Service Commission yiyo ephume lalumqondo njalo lithi uhulumende uwamukele ngezandla zombili.

Leliphephandla lithi njalo uhulumende ulakho ukusungula uhlelo lokukweledisa izisebenzi zakhe eziphezulu imali engangenkulungwane eziyisikhombisa ngamuntu, zibe seziyibuyisela phakathi kweminyaka elitshumi.

Injongo yenhlelo lezi ngeyokuzama ukuphakamisa izisebenzi zikahulumende, zona ezithwele gadalala ngeholo eliphansi.

Ukuhlaziya loludaba sixhume isiphathamandla senhlanganiso emela ababalisi iProgressive Teachers Union of Zimbabwe uMnu Vusumuzi Mahlangu lonobhala jikelele wenhlanganiso emela izisebenzi iZimbabwe Congress of Trade Unions uMnu Japhet Moyo.

XS
SM
MD
LG